പാപം ചെയ്യാത്തവൻ
പാപം ചെയ്യാത്തവരോട് കല്ലെറിയാൻ പറയുമ്പോൾ ഞാനേറ്റവും മുന്നിലെത്തെ
നിരയിലായിരുന്നു. ഒരു നിമിഷം ഞാൻ കണ്ണടച്ചു. എന്നിലേക്കു തറയ്ക്കുന്ന ഒരു പാടു
കണ്ണുകളെ ഞാൻ കണ്ടു. അച്ഛൻ.. അമ്മ.. ഭാര്യ കുട്ടികൾ..നാട്ടുകാർ, അധ്യാപകർ..സഹപ്രവർത്തകർ..അവരുടെ
മുന്നിൽ പാപം ചെയ്തവനാകാൻ എനിക്കു താൽപ്പര്യമില്ലായിരുന്നു. ഏതായാലും ഇത്രേം പാപം
ചെയ്തു ഇനി ഇതുകൂടിയാവാം എന്നുകരുതി ഞാൻ കുനിഞ്ഞ് കല്ലെടുത്തു...ഞാൻ മാത്രമേ
കല്ലെടുക്കൂ, എനിക്കാളാകാം എന്നൊരു ലക്ഷ്യം കൂടി ഉണ്ടായിരുന്നു. പക്ഷെ.. തിരിഞ്ഞു നോക്കുമ്പോൾ എല്ലാവരും
കല്ലെടുത്ത് എറിയാൻ തുടങ്ങിയിരുന്നു.
Comments
Post a Comment